ନୂଆଦିଲ୍ଲୀ , ୨୦/୦୬: ସମଗ୍ର ଦେଶରେ ଜାରି କରାଯାଇଥିବା ଅଗ୍ନିପଥ ଯୋଜନାକୁ ବିରୋଧ କରୁଥିବା ବେଳେ ବର୍ତ୍ତମାନ ଏହାର ନିଯୁକ୍ତି ସମ୍ପର୍କରେ ଏକ ବିଜ୍ଞପ୍ତି ଜାରି କରାଯାଇଛି। ଭାରତୀୟ ସେନା ଏହି ବିଜ୍ଞପ୍ତି ଜାରି କରି ସ୍ପଷ୍ଟ କରିଛି ଯେ ନିଯୁକ୍ତି ପାଇଁ ପଞ୍ଜୀକରଣ ଜୁଲାଇରୁ ଆରମ୍ଭ ହେବ। ଏହି ବିଜ୍ଞପ୍ତି ଅନୁଯାୟୀ, ଅଷ୍ଟମ, ଦଶମ ପାସ୍ ଯୁବକମାନେ ମଧ୍ୟ ଏଥିରେ ଆବେଦନ କରିପାରିବେ ।
ଏହା କୁହାଯାଇଛି ଯେ ଅଗ୍ନିପଥ ଯୋଜନା ଅଧୀନରେ ଚାରି ବର୍ଷ ପାଇଁ ନିଯୁକ୍ତି କରାଯିବ।
ସେମାନେ କୌଣସି ପ୍ରକାରର ପେନସନ୍ କିମ୍ବା ଗ୍ରାଚ୍ୟୁଇଟି ପାଇବେ ନାହିଁ । ଏହା ବ୍ୟତୀତ ସୈନିକ ମାନଙ୍କ ପାଇଁ କ୍ୟାଣ୍ଟିନର ସୁବିଧା ମଧ୍ୟ ଅଗ୍ନିବୀରମାନଙ୍କ ପାଇଁ ଉପଲବ୍ଧ ହେବ ନାହିଁ। ଚାରି ବର୍ଷର ସେବା ସମାପ୍ତ ହେବା ପରେ ପ୍ରତ୍ୟେକ ବ୍ୟାଚ୍ ର ୨୫ ପ୍ରତିଶତ ଅଗ୍ନିବୀର ଭାରତୀୟ ସେନାରେ ନିଯୁକ୍ତ ହେବେ। ଅଗ୍ନିବୀର ମାନଙ୍କୁ ଏକ ବର୍ଷରେ ସମୁଦାୟ ୩୦ ଛୁଟି ପାଇବେ । ଏହା ବ୍ୟତୀତ ଡାକ୍ତରୀ ପରାମର୍ଶ ଆଧାରରେ ଅସୁସ୍ଥ ଛୁଟି ଦିଆଯିବ।