ନୂଆଦିଲ୍ଲୀ: ୧୯ ବର୍ଷ ପୂର୍ବେ ଏହି ଦିନ ସଂସଦ ଉପରେ ଆକ୍ରମଣ କରି ଆତଙ୍କବାଦୀମାନେ ସମଗ୍ର ଦେଶରେ ଆଲୋଡ଼ନ ସୃଷ୍ଟି କରିଥିଲେ। ବନ୍ଧୁକଧାରୀମାନେ ସଂସଦ କମ୍ପ୍ଲେକ୍ସ ଉପରେ ଆକ୍ରମଣ କରି ଆଖିବୁଜା ଗୁଳି ଚଳାଇଥିଲେ। ଏହି ଆକ୍ରମଣରେ ଶହୀଦ ହୋଇଥିବା ବୀର ଶହୀଦ ଯବାନମାନଙ୍କୁ ସ୍ମରଣ କରି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଟୁଇଟ୍ କରିଛନ୍ତି। ସେ କହିଛନ୍ତି, ୨୦୦୧ ରେ ଏହି ଦିନ ଆମ ସଂସଦ ଉପରେ ହୋଇଥିବା ବର୍ବର ଆକ୍ରମଣକୁ ଆମେ କେବେବି ଭୁଲି ପାରିବୁ ନାହିଁ | ସଂସଦର ସୁରକ୍ଷା ପାଇଁ ଯେଉଁମାନେ ପ୍ରାଣ ହରାଇଛନ୍ତି ସେମାନଙ୍କ ବୀରତ୍ୱ ଏବଂ ବଳିଦାନକୁ ଆମେ ମନେ ରଖିଛୁ। ଭାରତ ସେମାନଙ୍କ ପାଇଁ ସର୍ବଦା କୃତଜ୍ଞ ରହିବ।
ଏଥି ସହିତ କେନ୍ଦ୍ର ଗୃହମନ୍ତ୍ରୀ ଅମିତ ଶାହା ଏହି ଦିନକୁ ସ୍ମରଣ କରି କହିଛନ୍ତି ଯେ ମୁଁ ୨୦୦୧ ରେ ସଂସଦ ଗୃହରେ ହୋଇଥିବା କାୟରତା ପୂର୍ଣ୍ଣ ଆତଙ୍କବାଦୀ ଆକ୍ରମଣରେ ଶତ୍ରୁମାନଙ୍କ ସହିତ ଲଢେଇ କରି ନିଜର ପ୍ରାଣ ହରାଇଥିବା ମାତା ଭରତୀଙ୍କ ସାହସୀ ପୁତ୍ରମାନଙ୍କୁ ପ୍ରଣାମ କରୁଛି। କୃତଜ୍ଞ ରାଷ୍ଟ୍ର ତୁମର ଅମର ବଳିଦାନ ପାଇଁ ସବୁଦିନ ପାଇଁ ୠଣୀ ରହିବ ।