ଚେନ୍ନାଇ: ଭାରତୀୟ ମହାକାଶ ଗବେଷଣା ସଂଗଠନ (ISRO) ପୁଣି ଥରେ ଇତିହାସ ସୃଷ୍ଟି କରିବାକୁ ଯାଉଛି । ISRO ଆଜି PSLV-C50 ମାଧ୍ୟମରେ ଯୋଗାଯୋଗ ଉପଗ୍ରହ CMS-୦୧ ଉତକ୍ଷେପଣ କରିବ । କରୋନା ଯୁଗରେ ଚଳିତ ବର୍ଷ ISRO ର ଏହା ହେଉଛି ଦ୍ୱିତୀୟ ମିଶନ୍ । ଏଥିପାଇଁ ସତୀଶ ଧାୱନ ସ୍ୱତନ୍ତ୍ର କେନ୍ଦ୍ରରୁ ୨୫ ଘଣ୍ଟିଆ ଗଣନା ବୁଧବାର ଅପରାହ୍ନରେ ଆରମ୍ଭ ହୋଇଥିଲା । ଏହା PSLV ର ୫୨ ତମ ମିଶନ ହେବ ।ଯୋଗାଯୋଗ ଉପଗ୍ରହ CMS-୦୧ ଶ୍ରୀହାରିକୋଟାର ଦ୍ୱିତୀୟ ଲଞ୍ଚ ପ୍ୟାଡରୁ ଅପରାହ୍ନ ୩.୪୧ ରେ ଉତକ୍ଷେପଣ ହେବ । CMS-୦୧ ହେଉଛି ISRO ର ୪୨ ତମ ଯୋଗାଯୋଗ ଉପଗ୍ରହ । ଏହା ଦେଶର ମଧ୍ୟପ୍ରଦେଶ ତଥା ଆଣ୍ଡାମାନ-ନିକୋବର ଏବଂ ଲକ୍ଷ୍ମଦ୍ୱୀପ ଦ୍ୱୀପପୁଞ୍ଜକୁ ବିସ୍ତୃତ ସି-ବ୍ୟାଣ୍ଡ ସେବା ଯୋଗାଇବ । ଏହାପୂର୍ବରୁ ନଭେମ୍ବର ୭ ରେ, PSLV-C49 ମାଧ୍ୟମରେ ଗ୍ରାଉଣ୍ଡ ମନିଟରିଂ ଉପଗ୍ରହ ଉତକ୍ଷେପଣ କରାଯାଇଥିଲା ।
CMS-୦୧ ଉପଗ୍ରହ ଯୋଗୁଁ ଟେଲି ଯୋଗାଯୋଗ ସେବାରେ ଉନ୍ନତି ହେବ । ଏହାର ସାହାଯ୍ୟରେ ଟିଭି ଚ୍ୟାନେଲଗୁଡିକର ଚିତ୍ର ଗୁଣରେ ଉନ୍ନତି ହେବ ଏବଂ ବିପର୍ଯ୍ୟୟ ପରିଚାଳନା ସମୟରେ ସରକାର ସହାୟତା ପାଇବେ । ଏହି ଉପଗ୍ରହ ୨୦୧୧ ରେ ଆରମ୍ଭ ହୋଇଥିବା GSAT-୨ ଟେଲିକମ୍ ଉପଗ୍ରହକୁ ବଦଳାଇବ । ଆଗାମୀ ସାତ ବର୍ଷ ପାଇଁ CMS-୦୧ ସେବା ଯୋଗାଇବ ।