ଭୋପାଳ: ଶନିବାର ମଧ୍ୟପ୍ରଦେଶର କ୍ୟାବିନେଟ୍ ଲଭ୍ ଜିହାଦ୍ ବିରୋଧରେ ଧାର୍ମିକ ସ୍ୱାଧୀନତା ବିଲ୍ ଡ୍ରାଫ୍ଟକୁ ଅନୁମୋଦନ କରିଛି। ବର୍ତ୍ତମାନ ଏହାକୁ ବିଧାନସଭାରେ ଅନୁମୋଦନ ପାଇଁ ରାଜ୍ୟର ଶିବରାଜ ସରକାର ଉପସ୍ଥାପନ କରିବେ। ଆଜି ମୁଖ୍ୟମନ୍ତ୍ରୀ ଶିବରାଜ ସିଂ ଚୌହାନଙ୍କ ଅଧ୍ୟକ୍ଷତାରେ ଅନୁଷ୍ଠିତ କ୍ୟାବିନେଟ ବୈଠକରେ ଏହି ବିଲ୍ ଅନୁମୋଦନ ହୋଇଛି। ଏହି ବୈଠକରେ ଗୃହମନ୍ତ୍ରୀ ନରୋତ୍ତମ ମିଶ୍ର ଉପସ୍ଥିତ ଥିଲେ। ଏହାର ଗୋଟିଏ ଦିନ ପୂର୍ବରୁ ସେ କହିଥିଲେ ଯେ ଏହି ଆଇନରେ କଡା ବ୍ୟବସ୍ଥା କରାଯାଇଛି। ଏହାର ଉଲ୍ଲଂଘନ କଲେ ଜୋରିମାନା ସହିତ ସର୍ବାଧିକ ୧୦ ବର୍ଷ କାରାଦଣ୍ଡ ।
ରାଜ୍ୟ ମୁଖ୍ୟମନ୍ତ୍ରୀ କହିଛନ୍ତି, ‘ଆମେ ମଧ୍ୟପ୍ରଦେଶରେ ବାଧ୍ୟତାମୂଳକ ଧର୍ମ ରୂପାନ୍ତର କରିବାକୁ ଦେବୁ ନାହିଁ। ନୂତନ ବିଲ୍ ଅନୁଯାୟୀ ଯିଏ ଏହା କରେ ତାଙ୍କୁ ୧୦ ବର୍ଷରୁ ଅଧିକ ଜେଲଦଣ୍ଡ ଏବଂ ଅତି କମରେ ୫୦ ହଜାର ଟଙ୍କା ଜୋରିମାନା ଦେବାକୁ ପଡିବ। ଅନେକ ଘଟଣା ଘଟିଛି ଯେଉଁଥିରେ ନାବାଳିକା ଧର୍ମ ରୂପାନ୍ତରିତ ହୋଇ ବିବାହ କରନ୍ତି । ମହିଳା ନାବାଳକ ଅନୁସୂଚିତ ଜାତି ଅନୁସୂଚିତ ଜନଜାତିର ରୂପାନ୍ତର ପାଇଁ ୨-୧୦ ବର୍ଷ କାରାଦଣ୍ଡ ଏବଂ ୫୦,୦୦୦ ଟଙ୍କା ଜୋରିମାନା ହେବ । ଧାର୍ମିକ ପରିବର୍ତ୍ତନକୁ ଲୁଚାଇବା ପାଇଁ ୩-୧୦ ବର୍ଷ କାରାଦଣ୍ଡ ଏବଂ ୫୦,୦୦୦ ଟଙ୍କା ଜୋରିମାନା । ସାମୁହିକ ଭାବେ ଧର୍ମ ପରିବର୍ତ୍ତନ ପାଇଁ, ୫ ରୁ ୧୦ ବର୍ଷ କାରାଦଣ୍ଡ ଏବଂ ଏକ ସମୟରେ ଦୁଇ କିମ୍ବା ଅଧିକ ଲୋକଙ୍କ ଧର୍ମ ପରିବର୍ତ୍ତନ ପାଇଁ ଏକ ଲକ୍ଷ ଟଙ୍କା ଜୋରିମାନା । ଏକାଧିକ ଥର ପୁନରାବୃତ୍ତି ଅପରାଧ ପାଇଁ ୫-୧୦ ବର୍ଷ ଜେଲ ।