ଜିନ୍ଦଲ ଷ୍ଟିଲ ଦ୍ୱାରା ଅନୁଗୁଳରେ ଭାରତର ଅନ୍‌୍ୟତମ ବୃହତ ବ୍ଲାଷ୍ଟ ଫର୍ଣ୍ଣେସ କାର୍ଯ୍ୟକ୍ଷମ

ଅନୁଗୁଳ, : ପ୍ରସିଦ୍ଧ ଶିଳ୍ପପତି ନବୀନ ଜିନ୍ଦଲଙ୍କ ନେତୃତ୍ୱରେ ଜିନ୍ଦଲ ଷ୍ଟିଲ୍‌, ଅନୁଗୁଳ ଷ୍ଟିଲ୍ ପ୍ଲାଣ୍ଟରେ ଦେଶର ଅନ୍‌ଯତମ ସର୍ବବୃହତ ବ୍ଲାଷ୍ଟ ଫର୍ଣ୍ଣେସ କାର୍ଯ୍ୟକ୍ଷମ କରି ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଆତ୍ମନିର୍ଭରଶୀଳ ଭାରତର ସ୍ୱପ୍ନକୁ ସାକାର କରିବାରେ ଏକ ମାଇଲଖୁଣ୍ଟ ସ୍ଥାପନ କରିଛି । ଭଗବତୀ ସୁଭଦ୍ରିକା ବ୍ଲାଷ୍ଟ ଫର୍ଣ୍ଣେସ୍‌-୨ ନାମରେ ନାମିତ ଏହି ପ୍ଲାଣ୍ଟର ହଟ୍ ମେଟାଲ ଉତ୍ପାଦନ କ୍ଷମତା ବାର୍ଷିକ ୪ ନିୟୁତ ଟନରୁ ବାର୍ଷିକ ୯ ନିୟୁତ ଟନ କୁ ବୃଦ୍ଧି ପାଇଛି । ଏହା ଦ୍ୱାରା ଅନୁଗୁଳ ଷ୍ଟିଲ୍‌ ପ୍ଲାଣ୍ଟକୁ ଏକ ସ୍ଥାନରେ ସଂଚାଳିତ ଓଡ଼ିଶାର ସର୍ବବୃହତ ଇସ୍ପାତ କାରଖାନା ହୋଇପାରିଛି । ଅନୁଗୁଳରେ ଆୟୋଜିତ ଏକ ସ୍ୱତନ୍ତ୍ର ଉତ୍ସବରେ ଅଧ୍ୟକ୍ଷ ନବୀନ ଜିନ୍ଦଲ ଏହି ପ୍ଲାଣ୍ଟକୁ ଉଦଘାଟନ କରିଥିଲେ । ୫,୪୯୯ ଘନ ମିଟର ଉପଯୋଗୀ ଆୟତନ ସହିତ, ଏହି ଫର୍ଣ୍ଣେସ୍ ବିଶ୍ୱର ସବୁଠାରୁ ବଡ଼ ଏବଂ ଉନ୍ନତ ବ୍ଲାଷ୍ଟ ଫର୍ଣ୍ଣେସ୍ ମଧ୍ୟରୁ ଗୋଟିଏ । ଅତ୍ୟାଧୁନିକ ସ୍ୱୟଂଚାଳିତତା, ଦୃଢ଼ ସୁରକ୍ଷା ଏବଂ ବର୍ଦ୍ଧିତ କ୍ଷମତା ସହିତ, ଭଗବତୀ ସୁଭଦ୍ରିକା ବ୍ଲାଷ୍ଟ ଫର୍ଣ୍ଣେସ୍‌-୨ ନୂତନ ଶିଳ୍ପ ମାନଦଣ୍ଡ ସ୍ଥାପନ କରିବା ପାଇଁ ଜିନ୍ଦଲ ଷ୍ଟିଲର ପ୍ରତିବଦ୍ଧତାକୁ ପ୍ରତିଫଳିତ କରେ । ଏହି ଅବସରରେ ନବୀନ ଜିନ୍ଦଲ କହିଛନ୍ତି, \”ଅନୁଗୁଳରେ ଭଗବତୀ ସୁଭଦ୍ରିକା ବ୍ଲାଷ୍ଟ ଫର୍ଣ୍ଣେସ୍‌-୨ର ଶୁଭାରମ୍ଭ ଜିନ୍ଦଲ ଷ୍ଟିଲ୍ ଏବଂ ଭାରତ ପାଇଁ ଏକ ଗର୍ବର ମୁହୂର୍ତ୍ତ । ଅନୁଗୁଳ ଇସ୍ପାତ କାରଖାନାର କ୍ଷମତାକୁ ବାର୍ଷିକ ୧୨ ନିୟୁତ ଟନକୁ ଦ୍ୱିଗୁଣିତ କରି, ଆମେ ଆମର ବିଶ୍ୱସ୍ତରୀୟ ପ୍ରତିସ୍ପର୍ଦ୍ଧାକୁ ସୁଦୃଢ କରିବା ସହିତ \’ଆତ୍ମନିର୍ଭର ଭାରତ\’ ପ୍ରତି ଆମର ପ୍ରତିବଦ୍ଧତାକୁ ପୁନରୁଚ୍ଚାରଣ କରୁଛୁ । ଓଡିଶାର ସମୃଦ୍ଧ ସଂସ୍କୃତିରେ ନିହିତ ଏବଂ ଅତ୍ୟାଧୁନିକ ପ୍ରଯୁକ୍ତିବିଦ୍ୟା ଦ୍ୱାରା ପରିଚାଳିତ, ଏହି ଫର୍ଣ୍ଣେସ ପାରମ୍ପରିକତା ଓ ନବୀନତାଙ୍କୁ ଏକୀକରଣ କରିବାରେ ଆମର ଦୃଷ୍ଟିକୋଣର ପ୍ରତୀକ । ଏହି ବ୍ଲାଷ୍ଟ ଫର୍ଣ୍ଣେସର ଶୁଭାରମ୍ଭ ଜିନ୍ଦଲ ଷ୍ଟିଲର ଦୀର୍ଘକାଳୀନ ଯୋଜନାରେ ଏକ ଗୁରୁତ୍ୱପୂର୍ଣ୍ଣ ମାଇଲଖୁଣ୍ଟ । ଏହା ସହିତ, ଅନୁଗୁଳ ପ୍ଲାଣ୍ଟ ଏବେ କମ୍ପାନୀର ସମ୍ପ୍ରସାରଣ ପାଇଁ ଏକ କେନ୍ଦ୍ର ଭାବରେ କାର୍ଯ୍ୟ କରିବ । ଭବିଷ୍ୟତର ବିକାଶ ପ୍ରକଳ୍ପଗୁଡ଼ିକରେ ପାରାଦୀପରେ ଏକ ବନ୍ଦର, ଏକ ସ୍ଲରି ଏବଂ କୋଇଲା ପାଇପଲାଇନ, ଶ୍ରୀଭୂମି ପାୱାର ପ୍ଲାଣ୍ଟ ଏବଂ ଏକ ନୂତନ କୋକ୍ ଓଭନ୍‌ ପ୍ଲାଣ୍ଟ ଅନ୍ତର୍ଭୁକ୍ତ । ଏକତ୍ରିତ ଭାବରେ, ଏହି ପ୍ରକଳ୍ପଗୁଡ଼ିକ ଅନୁଗୁଳକୁ ଜିନ୍ଦଲ ଷ୍ଟିଲର ବିଶ୍ୱ ପ୍ରସାରଣ ପାଇଁ ଏକ ପ୍ରମୁଖ କେନ୍ଦ୍ର ଭାବରେ ସ୍ଥାନିତ କରିବ ।