ଆଫଗାନିସ୍ତାନ, ୨୨/୦୬: ଆଫଗାନିସ୍ତାନରେ ଆଜି ସକାଳେ ହୋଇଥିବା ଭୂକମ୍ପରେ ଧନ ଜୀବନ ଓ ସମ୍ପତ୍ତି ନଷ୍ଟ ହୋଇଯାଇଛି।ସୂଚନା ଅନୁଯାୟୀ , ୬.୧ ଭୂକମ୍ପରେ ଅତି କମରେ ୨୮୦ ଜଣଙ୍କର ମୃତ୍ୟୁ ଘଟିଛି। ୫୦୦ ରୁ ଅଧିକ ଲୋକ ଆହତ ହୋଇଛନ୍ତି। ଆମେରିକାର ଭୂତତ୍ତ୍ୱ ସର୍ବେକ୍ଷଣ (USGS) ଅନୁଯାୟୀ, ଭୂକମ୍ପର କେନ୍ଦ୍ରସ୍ଥଳ ଆଫଗାନିସ୍ତାନର ଖୋଷ୍ଟ ସହରଠାରୁ ୪୦ କିଲୋମିଟର ଦୂରରେ ହୋଇଥିଲା ।
ୟୁରୋପୀୟ ଭୂମଧ୍ୟସାଗରୀୟ ଭୂକମ୍ପ କେନ୍ଦ୍ର କହିଛି ଯେ ଏହି ଭୂକମ୍ପର ପ୍ରଭାବ ୫୦୦ କିଲୋମିଟର ବ୍ୟାସାର୍ଦ୍ଧରେ ରହିଛି। ଏହି ଭୂକମ୍ପ ଯୋଗୁଁ ଆଫଗାନିସ୍ତାନ, ପାକିସ୍ତାନ ଏବଂ ଭାରତରେ କମ୍ପନ ଅନୁଭୂତ ହୋଇଥିଲା।
ସରକାରୀ ମୁଖପାତ୍ର ବିଲାଲ କରିମି ଟ୍ୱିଟ୍ କରିଛନ୍ତି – ଦୁର୍ଭାଗ୍ୟବଶତ, ଗତକାଲି ରାତିରେ (ସ୍ଥାନୀୟ ସମୟ) ପାକ୍ଟିକା ପ୍ରଦେଶର ଚାରିଟି ଜିଲ୍ଲାରେ ପ୍ରବଳ ଭୂକମ୍ପ ହୋଇଥିଲା। ଯେଉଁଥିରେ ଶହ ଶହ ଦେଶବାସୀ ପ୍ରାଣ ହରାଇଥିଲେ ଏବଂ ଅନେକ ଘର ନଷ୍ଟ ହୋଇଯାଇଥିଲା । ଅଧିକ ବିପର୍ଯ୍ୟୟକୁ ରୋକିବା ପାଇଁ ଆମେ ଏହି ଅଞ୍ଚଳକୁ ଦଳ ପଠାଇବାକୁ ସମସ୍ତ ଜରୁରୀକାଳୀନ ସଂସ୍ଥାକୁ ନିବେଦନ କରୁଛୁ ।
ଆଫଗାନିସ୍ତାନର ରାଜ୍ୟ ସମ୍ବାଦ ଏଜେନ୍ସିର ସାମ୍ବାଦିକ ଅବଦୁଲ ୱାହିଦ୍ ରିୟାନ୍ ଏକ ଟୁଇଟ୍ ଜରିଆରେ କହିଛନ୍ତି ଯେ ସୁରକ୍ଷା ବାହିନୀର ହେଲିକପ୍ଟରଗୁଡିକ ପାକ୍ଟିକା ପ୍ରଦେଶର ବାରମାଲ୍, ଜିରୁକ୍, ନାକା ଏବଂ ଜିଆନ୍ ଜିଲ୍ଲାର ଫସିରହିଥିବା ଲୋକଙ୍କୁ ଉଦ୍ଧାର କରାଯାଉଛି ।
