ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଦ୍ୱାରା ରାଜ୍ୟରେ ୫୫ ଟି ନୂତନ ବାତ୍ୟା ଆଶ୍ରୟ ସ୍ଥଳୀ ପାଇଁ ଦ୍ୱିତୀୟ ପର୍ଯ୍ୟାୟରେ ୨୯ କୋଟି ୩୬ ଲକ୍ଷ ଟଙ୍କା ମଞ୍ଜୁର କରିଛନ୍ତି । ସୂଚନା ଅନୁସାରେ ମୁଖ୍ୟମନ୍ତ୍ରୀଙ୍କ ରିଲିଫ ପାଣ୍ଠିରୁ ସର୍ବ ମୋଟ ୯୮ କୋଟି ଟଙ୍କା ବ୍ୟୟରେ ଏହି ୫୫ ଟି ଆଶ୍ରୟ ସ୍ଥଳୀ ନିର୍ମାଣ କରାଯାଉଛି । ତେବେ ଏନେଇ ପ୍ରଥମ ପର୍ଯ୍ୟାୟରେ ୨୯ କୋଟି ୩୬ ଲକ୍ଷ ଟଙ୍କା ଏପ୍ରେଲ ମାସରେ ମଞ୍ଜୁର କରିଥିଲେ । ଯାହାଫଳରେ ନିର୍ମାଣ କାର୍ଯ୍ୟରେ ଅଗ୍ରଗତି ହୋଇଛି । ପୁଣି ଆଜି ମାନ୍ୟବର ମୁଖ୍ୟମନ୍ତ୍ରୀ ୨୯ କୋଟି ୩୬ ଲକ୍ଷ ଟଙ୍କା ଉକ୍ତ କାର୍ଯ୍ୟକୁ ତ୍ୱରାନିତ୍ୱ କରିବା ପାଇଁ ମଞ୍ଜୁର କରିଛନ୍ତି । ବାତ୍ୟା, ବନ୍ୟା ଭଳି ପାକୃତିକ ବିପର୍ଯ୍ୟୟ ସମୟରେ ଏହା ଲୋକମାନଙ୍କୁ ଆଶ୍ରୟ ଦେବାରେ ଗୁରୁତ୍ୱପୂର୍ଣ୍ଣ ଭୁମୀକା ଗ୍ରହଣ କରିବ । ସେଥିପାଇଁ ଯେତେ ଶୀଘ୍ର କାର୍ଯ୍ୟ ଶେଷ ହେବ ସେତେ ଶୀଘ୍ର ଏହା ଲୋକଙ୍କ ଉପକାରରେ ଆସିବ । ତେଣୁ ଯଥାଶୀଘ୍ର କାର୍ଯ୍ୟ ଶେଷ କରିବା ପାଇଁ ମୁଖ୍ୟମନ୍ତ୍ରୀ ନର୍ଦ୍ଦେଶ ମଧ୍ୟ ଦେଇଛନ୍ତି ।
