ମାଲକାନଗିରି : ମାଲକାନଗିରି ଜିଲ୍ଲା ସୀମାନ୍ତ ତେଲେଙ୍ଗାନା ରାଜ୍ୟ ଭଦ୍ରାଦି କତାଗୋଡମ ଜିଲ୍ଲା ଚନ୍ଦ୍ରଗୋଣ୍ଡା ପୋଲିସ ମାଓବାଦୀ ମିଲିସିଆର ଦୁଇଜଣ ସଦସ୍ୟଙ୍କୁ ଗିରଫ କରିବା ସହ ସେମାନଙ୍କଠାରୁ ବିସ୍ଫୋରକ ସାମଗ୍ରୀ ଜବତ ହୋଇଛି । ମିଳିଥିବା ସୂଚନା ଅନୁସାରେ ଗତକାଲି ଅପରାହ୍ନ ପ୍ରାୟ ୫ ଟାରେ ଚନ୍ଦ୍ରଗୋଣ୍ଡା ପୋଲିସ ଷ୍ଟେସନ ଅନ୍ତର୍ଗତ ପୋକାଲାଗୁଡେମ ଉପକଣ୍ଠରେ ପୋଲିସ ପାଟ୍ରୋଲିଂ କରୁଥିବା ଦେଖି ଦୁଇ ଦୁର୍ବୁତ୍ତ ଫେରାର ହେବାର ଚେଷ୍ଟା କରୁଥିଲେ । ସନ୍ଦେହ ହେବାରୁ ପୋଲିସ ସେମାନଙ୍କର ପିଛା କରି ଗିରଫ କରିଥିଲେ । ପରେ ତାଙ୍କୁ ପଚରାଉଚରା କରାଯାଇଥିଲା ଏବଂ ଜଣାପଡିଥିଲା ଯେ ସେ ମାଓବାଦୀ ମିଲିସିଆ କମିଟିର ସଦସ୍ୟ ଭାବେ ମାଓ ସଂଗଠନରେ କାମ କରୁଛନ୍ତି ।
ଦୁଇଜଣ ଧରାଯାଇଥିବା ମାଓବାଦୀ ମିଲିସିଆ ସଦସ୍ୟଙ୍କ ହେଲେ ହେମଲା ଆଇଟୁ, ତେରାମ ଗ୍ରାମ, ବିଜାପୁର ଡି ଓ ବାଡିସ୍ ଚାନ୍ଦୁ । ମିଲିସିଆର ଅନ୍ୟ କିଛି ସଦସ୍ୟଙ୍କ ସହ ଦୁହେଁ ମିଶି ସେମାନଙ୍କର କମାଣ୍ଡର ଉକେ କୋଈଲାଶଙ୍କ ନିର୍ଦ୍ଦେଶ ଅନୁଯାୟୀ ମିଲିସିଆ କମିଟିରେ କାର୍ଯ୍ୟ କରୁଛନ୍ତି । ପୋଲିସ ସେମାନଙ୍କଠାରୁ ୮ କିଲୋଗ୍ରାମ କୋଡେକ୍ସ ତାର, ୩୫ଟି ଡିଟୋନେଟର, ୫୦ ପାମ୍ପଲେଟ୍ ଏବଂ କ୍ରାନ୍ତିକାରୀ ପ୍ଳବିକ ସାହିତ୍ୟର ପୁସ୍ତକ ଜବତ କରିଛି । ଉଭୟଙ୍କ ବିରୋଧରେ ମାମଲା ରୁଜୁ କରିବା ପରେ ସେମାନଙ୍କୁ ରିମାଣ୍ଡରେ ନେବାକୁ କୋର୍ଟକୁ ସ୍ଥାନାନ୍ତର କରାଯିବ ବୋଲି ଡିଏସପି କହିଛନ୍ତି ।
